سرور حسین

بیت

• 1 ح:- حکم تیرو حاکم توں میرو منبعو رحمتاں کو وانگت لار تیرو
• 2 ج:- جگ سارو لوڑ لوڑ تھکی کدے نہیں لہھتو سوہنو یار مِناں
• 3 ت:- ترستاں تر ستاں عُمر گزری چھٹ میں اڑیا گل چار کر جا
• 4 ت:- تی ناتیں بسار دیو کروں یاد سِناں صُبح شام ڈھولا
• 5 ت:- تتر چکور بٹیر بولیں کھیڈیں مور بن ماں مستوار ہو کے
• 6 ت:- تاہنگ بہار کی تھیں مناں آئی جیتاں نا فر بہار مُڑ کے
• 7 ب:- بانکیا ڈھول سپائیا رے صُبح شام تیرو انتظار مناں
• 8 ب:- بائجھ حساب انعام تیرا کے نعمت ہوں کروں شُمار اللہ
• 9 الف:- آبجھب جھب چھڑ کے جان میری کٹی جائے نہ رات جو دائیاں کی
• 10 الف:- اج ہے دِن غنیمتاں کو اج دلیس سار و سبزہ زار دِسے
• 11 الف:- اللہ کو واسطو دیوں تِناں سُن عرض ہوں کروں سوال وائے
• 12 الف:- آپ یا ریا مُنہ دس جا صُبح شام تیرو انتظار سجناں
• 13 الف:- آیو بسا کھ بہار آئی بولیں پکھنو ذکر گھونکار کرکے
• 14 الف:- اول ہوں کروں تعریف تیری جس نے کیا ہیں لکھا احسان اللہ