سرور حسین

بیت

• 1 ک:- کہیڈی گلوں تم خفا ہویا کہیڈی گل تیں رُس کے نس گیا
• 2 ق:- قاصدا واسطو دیوں تیناں لیادے یار کی اج کوئے خبر مِناں
• 3 ف:- فرق نہ غرق ماں ہون کو کُچھ منے اصل صول کی بات کوئے نہ
• 4 ف:- فال پاوں سدھ، سدھ رملی پُکھوں پتو تیرو چلتاں راہیاں نا
• 5 غ:- غماں کو سخت طوفان چڑھیونہیں موت آئی نہیں جین ہوتو
• 6 غ:- غماں کا قہر ڈھنڈول اندر غماں کو اُج بھائی وال کوئے نہ
• 7 غ:- غم نہ کسے نا ملیں شالا کیا غماں نے ملک اُجاڑ وائے
• 8 غ:- غماں کی کروں تعریف کہیڑی ہووا غماں کا بم تیار سجناں
• 9 غ:- غماں کو آن نزول ہوؤ کیو سخت جُدائیاں نے تنگ ڈھولا
• 10 ع:- علم اِس گل کو دس وائے کہیڑا حال ماں ہے میرو یار اجکل
• 11 ع:- عرض نہیں میری منظور ہوئی کہیڑی کوٹ ہُن دسوایپل کریئے
• 12 س:- سخت اُداس ہے جی میرو رہی ملن کی آس اُمید کوئے نہ
• 13 س:- سخت جُدائیاں نے تنگ کیودسوں حال کس ناں محرم راز کوئے نہ
• 14 ز:- زاریاں ماں گزرے وقت میرو سخاں کروں تیرو انتظار بیٹھی
• 15 ر:- رکھے یاد ہمیش مِناں میری جان قُربان بساریئے نہ
• 16 ذ:- ذکر تیرو اجکل درد میرو اُچی دل ماں تیری تصویر دلبر
• 17 د:- درداں نے مار کے چور کیوا نگ، انگ ہُن کرے فریاد ڈھولا
• 18 خ:- خوار کیو تیرا پیار نے ہوں تیری یاد نے کیو بہار مِناں
• 19 خ:- ختم ہوئی تیری وفاداری رہیا یاد نہ قول قرار تیناں
• 20 ح:- حُسن تیرو آوے یاد جس دم آوے دل ماں عجب سرور وطناں