محمد

بیت

• 1 م:- مُرْ مُرْ دیکھوں ہاں راہ تھارا مت یار کی کدے تے دید ہوئے
• 2 ل:- لنگ سمندروں پارچٹھیے نبی پاک نا میرو تو حال دس آ
• 3 ج:- جان کے کیوں غریب چنان آمدی راہ ماں آن سٹ چھوڑی
• 4 ء:- اگ وچھوڑا کی بلتی ماں گیو سٹ توں دور کے نال مناں
• 5 ل:- لکھ افسوس ارمان رہ گو پہل میرا توں جے نہ یا ہوتی
• 6 ہ:- ہمت نہ رہی اُج ہور مناں گیو خون وجود کو سک میر و
• 7 ث:- ثابت رکھ صدق صفا بندیا سو ہنا یار کو ہے جے تو مکھ لوڑے
• 8 ب:- بن نشان بندوق کو تو گولی ہجر کی سینہ ماں مار گیو
• 9 ی:- یار نہیں دیتو دیدا جس دم پھل خوشیاں کا سارا پھل گیا
• 10 ک:- کد توڑی ویغی سد میری کد تک رہوں ہوں غم نا کیاں ماں
• 11 غ:- غافل نہ رہے توں اِک گھڑی سوہناں یار کا ذکر اذکار کولوں
• 12 ع:- عاشقی ناں آسان وسے اندر عشق کے بہت وبال ہوویں
• 13 ع:- عاشقی سوہناں کے نال لا کے فر جان پیاری نہ کر اڑیا
• 14 ظ:- ظاہری دیکھ لباس نہ توں اندر دیکھ سینہ تیری نیت کے ہے کہہ کے
• 15 ط:- طمعو جہان کو چھوڑ دے توں عاشق بَنِّی آسان کِت ہے
• 16 ض:- ضرب وچھوڑا کی لا کے توں آپ جا پردیس نا مل بیٹھو
• 17 ش:- شان گمان نہ کر اتنو حسن دینو یا ہ رب کی شان اڑیا
• 18 ز:- زہر مناں یقین دے جایے جے توں جانو ہے لا ضرور اڑیا
• 19 ر:- رہوں گی سدا غلام تیری واسطو رب کو دور ہٹائیے نہ
• 20 ذ:- ذکر تیرو ورد میرو مناں دل توں کدے پُسلايو نہ