خدا بخش

بیت

• 1 چیت:- چڑھیو چیت بسا کھ بہار آئی باہجھ سجناں کا سنی رنگ اڑیو
• 2 چیت:- چڑھیو چیت چوہیں پاسیں ڈھونڈ تیری بسا کھ بستیاں تے جیٹھ جنگلاں ماں
• 3 کتنک:- کتنک کہڑی گلوں نُرے کنی کنی کہڑ و بھل بغیر انسان ہوؤ
• 4 اسو:- اسو اس گل ماں تیرو کے گھاٹو گولی اپنی کدے سنگار چھوڑی
• 5 بھادرو چڑھیو بھادرو کھس جُدائیاں ناتے تہائیاں ناہُن چھوڑ ڈھولا
• 6 ساون:- ساون سُکھیا رکھ نہ رول اتنی توڑے ہور ہیں لکھ ہزار تیناں
• 7 ہاڑ:- چڑھیو ہاڑ تے دُکھاں کا چاڑ ہوادِسے کون لے کے میری سار تِناں
• 8 جیٹھ :- جیٹھوں جیٹھ دیور دلوں تنگ دسیں جھلوں طعن سخت جٹھانیاں کا
• 9 بسا:- کھ: - چڑھیوماہ بسا کھ تے سنگناں نے لایا رنگ کے زری لباس ڈھولا
• 10 چیت:- چڑھیو چیت تے چت اُداس ہوؤے بستیں تیرے بغیر اُجاڑ دسیں
• 11 ی:- یاریاں کیں گل لکھیں اس ماں قصہ عشق کا جُفْت گُجھ طاق اُپر
• 12 م:- مُنْذَتِمِ عشق کی مہنگھپائی مائی خدیجہ کی یار و خرید دیکھو
• 13 ل:- لوک کیوں یاری نا کہیں سستی یاہ تے مہنگی ہے چرس افیم تیں بھی
• 14 ک:- کس سنگ اِس نے کیں نیکیں عشق ناں لے کے کہڑ وہٹیو ہے
• 15 ق:- قدر کس کو جہڑا گئیں سارا جہڑا آدم تیں اُرا کا عیب اِس کا
• 16 ف:- فرہاد کا سِر ماں لاتیشو ریتاں تنیاں ماں سَتی ساڑ سٹی
• 17 غ:- غماں کا کٹھا ماں رُڈ گئی ہتھ ماریئے تے کریئے پارِ مِناں
• 18 ع:- عرض ماجرسُنیں چرکا کئیں سال لنگھ جائیں شنوائیاں نا
• 19 ص:- صبر سارا ہوں وی گن رکھوں رکھیے یاد توں وی ہے پروائیاں نا
• 20 ش:- شاید میں ڈٹھانہیں عیب اپنا تائیں گلہ میرا تیرے نال اڑیا