محمد ادریس

بیت

• 1 مانہہ:- چڑھیو مانہہ تے موڑ مہار اینگا گیو کت توں قول قرار کر کے
• 2 پوہ:- چڑھیو پوہ تے پیاریا کت ٹُریو مناں کر ڈاہڈ و دُکھیار چلیو
• 3 منگھر :- چڑھیومنگھر تے مار نہ ہور درداوس بیو کئی سال ہویا
• 4 کتک:- چڑھیو کتک تے نس بہار چلی خزداں آن ڈیراہُن لایا ہیں
• 5 اسو:- چڑھیو اسو تے آس اُمید کائے نہ اُج کل دُکھاں کا بپار میرا
• 6 بھادرو: - چڑھیو بھادرو تے ہُن موڑ ہو یو بہک پُٹھری گُل اُجاڑ اُج کل
• 7 بیساکھ :- چڑھیو آن بیسا کھ تے رُت بدلی آئی مُڑ بسنت بہار اج کل
• 8 چیت:- چڑھیو چیت تے آئی بہار مُڑ کے نیلا سب میدان تے لاڑ دسیں
• 9 ی:- یاد ہمیش نہیں کدے بھلتا منظر گیاں گزر کہانیاں کا
• 10 ھ:- ہر ویلے تیری یاد آنویں بھلیں کدے نہ لاڈ پیار تیرا
• 11 و:- وصل کی تاہنگ ہمیش دل ماں مُڑ دیدکی کد بہار آوے
• 12 ن:- ناہیں کوئی چین آرام آتو ڈُلکھیں نین میرا دل تنگ اُج کل
• 13 ف:- فجر تے شام اُداس ہر دم کدے سُن جا عرضاں میریاں نا
• 14 غ:- غماں کا ہیں اینگا دور اُج کل اُنگا مستیاں کا چھنکار دسیں
• 15 ع:- عُمر ساری کی دوریاں نے کیو کالجو ساڑ انگار میرو
• 16 م:- میریاں اکھاں روتیاں کو ہوتو کیوں نہیں یار احساسِ تیناں
• 17 ل:- لا پریت نہیں میت مُڑیا ہوتا عیش آرام نیلام ڈِٹھا
• 18 ک:- کالجے زخم جُدائیاں کا بھانویں دیکھ لیے سینو پھاڑ ڈھولا
• 19 ظ:- ظالم ہیں درد جدائیاں کا ساڑیں اگ ہاروں پیا جان آج کل
• 20 ط:- طرف تیری نِت تار میری آیو مُڈ نہ کدے جواب ڈھولا