ابرار ظفر

بیت

• 1 ذ:- ذری بھی ہوش نہ رہیو قائم میریں سوچ متاں ہے آرام کرگئیں
• 2 ڈ:- ڈہلیا نیناں کا نیر میرا بنیو تاں فر ڈیم سلال یارو
• 3 د:- دیکھ جا آکے حال میرو گہل رُلیو تیرو یار سنگی
• 4 ٹ:- ٹور یو آپ تیں سجنا رے ہُن ہوئے توں ایویں اُداس کیوں رے
• 5 پ:- پار چناب تیں میت میر و روئے ہُد کے جھِنکے گیت بیٹھو
• 6 ت:- تیرا خلوص اخلاص اگے سُچو دل کو عل ہوں بار بیٹھو
• 7 خ:- خورے کد میں دُب جانو مِناں آکے لے بچا سجناں
• 8 ح:- حوصلہ بھی اُج پست ہوا کوئے رہیو نہ حوصلہ دھان آلو
• 9 ث:- ثبوت نہ رہیو ککھ پڑکھے نُٹیو دل تے ہمت بھی ہار چلی
• 10 ب:- بہت بول تھارا لگیں کھنڈ مٹھا کریں دلاں پر آثر ہزار جانی
• 11 الف:- الوداع تم رہو سُکھیا ہم چھوڑ بیٹھا مخفلان تھاریاں نا
• 12 ہچھو رب راکھو تم خوش بسو نواں شہر کا سب مہربان سجنو
• 13 مِناں یاد آوے زینب بہن نالے دوجا ہور محلے دار سارا
• 14 ہیں یاد آحَمْ مقبول جی بھی قَمْر صاحب کا دوئے فرزند مِناں
• 15 بھائی باغ علی مِناں یاد آوے، کرے یاد مِناں ہر آن جہڑو
• 16 بھائی غلام حُسین ہم نا چھوڑ بیٹھو ہُن کے متو دِل دُکھیا ہو و
• 17 غازی:- صاحب تم نے ہم یاد کیا، ہاں شکر گزار مہربان تھارا
• 18 یادمنشی:- بھائی کی بہت آوے، آوے یاد خُلق تے پیار اُس کو
• 19 نوںاں شہر کی کد بھلا یاد بسرے آنویں یاد چنگا انسان مِناں
• 20 ہے:- یاد مِناں دھمتو تھاری نتہیا گلی ہرنو ہریز آباد تھارو