رانا افضل حسین

بیت

• 1 ی:- یاد کائے یاد ہُسْن یاد رہ گئی یاد یاد ہُسْن یاد فریاد ہوئی
• 2 الف:- آئی جائی آ آ جانی آ بسی دل ماں آ کول آ جا
• 3 ہ:- ہو یو رے بکھ تے بکھ ہو یو بکھ بکھ رہنو راس راس وی نہ
• 4 و:- وقت بے وقت بن وقت آئی و وقت اڈیک اس وقت کی ہے
• 5 ن:- نہ آوے، نہ آوے عید آوے نہ کائے عید نہ عید کو چن آوے
• 6 م:- مُچ اُداس اُداس ڈاہڈ و خبرے فضل اُداس اُداس کیوں ہے
• 7 ل:- لگو لگو رہوں لگو مگولگولگو رے فضل نا چھوڑئیو نہ
• 8 ص:- صبر کی موت نا موت پوئے ملک الموت کا پڑاں نا ساڑ چھوڑوں
• 9 ش:- شہر اک شہر راجور سوہنو اُسے شہر کے نال پیار وی تھو
• 10 س:- ساگ سریاں سرس ماس نالوں نرس ددھ ملائی پردیس کی رے
• 11 د:- دیر کرتاں دیر دیر ہوئی دیر دیر کرتاں لائی دیر لی
• 12 خ:- خاب کائے خاب بکھان دسوں کدے خاب کو آن کوئے حال پُکھے
• 13 ح:- حال اکھ اُمتاں کون تکے ندی ندی بگتاں لہر لہر ہوتاں
• 14 ز:- زخم کلچڑے زخم دُنگا زخم زخم کشمیر کا مولیانہ
• 15 ر:- رُت راجوری کی رُت سوینی کا نہہ نا پیر پنجال کی رُت روئے
• 16 ذَ: - ذات کے نال نہ ذات جوڑوں ذات ذات کو فرق نکھیڑیئے نہ
• 17 ج:- جندڑی نا لایا روگ جانے ڈاہڈی چھڑکتی تڑفتاں جند چلی
• 18 ث:- ثابت ہو یو میر و ڈام خبرے سُکھ ناں کی شے سنسار ماں نہیں
• 19 ت:- تار دِتی چھٹی روز گھلوں خیر سُکھ پُکھوں کیتے خیر خبرے
• 20 ب:- بند بوہابندی ھوان ہوں وی راہ روکیا ڈکیا باڈراں نے